Grupo de Gaitas

Brisas da Cruña, Os Gaiteiros de Soutelo de Montes, Os Tempranos de Eirís, Emilio Corral, Paco de Escornabois... O seu tocar namora! Que pensarías se che dixera que os podes escoitar a todos nunha mesma tarde?

O grupo de gaiteiros de Cántigas da Terra recupera dun xeito maxistral o repertorio propio dos gaiteiros e cuartetos máis célebres do país. As melodías retornan con máis forza e vida ao sair dos punteiros dos nosos gaiteiros, o profundo son dos roncos mestúrase cos tambores, pandeiretas e bombo. O teu corazón non parará de latexar a ritmo de Alborada!

Ademais dos xéneros máis populares, o colectivo traballa na posta en valor doutras formas do noso folclore que foron esmorecendo. Por iso, a proposta ofrece moita versatilidade, adáptase a diferentes formatos desde pasarrúas e animación musical ata actos culturais máis recollidos e íntimos.

Ataviados co traxe de gala das Mariñas os gaiteiros de Cántigas da Terra son un compendio de sensibilidade, enxebreza, emoción... O seu tocar, namora.

Escolas da Terra 2022-2023