No enterro de Manuel Murguía

En febreiro de 1923, hai agora un século, falecía o grande historiador do Rexurdimento, Manuel Murguía. Cántigas da Terra estivo presente no seu enterro e cantoulle o Himno Galego. Aliás, dedicoulle esquelas en diversos xornais como El Orzán. Así narra a LVG do día 4 de febreiro a condución do cadaleito:

A hombros de los académicos correspondientes de la Real Academia Gallega, señores Carré (don Leandro y don Eugenio), del académico de la Historia y concejal señor Martínez Morás, y del delegado regio de Bellas Artes en esta provincia, don Ángel del Castillo, fué bajado del Ayuntamiento el féretro y así siguió durante un largo trayecto. Alternaron con los señores mencionados en la tarea de conducir el cadáver hasta el Cementerio, los señores Lugrís Freire, Peña Novo, Berguer, Vázquez Rodríguez, Freijido, Casal, Arthous, Zamora, Sabio, Varela, Lesta y Fernández Merino, representando a la "Irmandade da Fala", a la Real Academia Gallega y al coro "Cántigas da Terra"

El féretro iba envuelto en la lujosa bandera de Galicia y de raso blanco, que trajo de Cuba el cadávez del exhimio poeta Curros Enríquez y que la Academia guarda desde entonces en su Museo. A cada lado del féretro iban las banderas enlutadas del coro "Cántigas da Terra" y de la "Irmandade da Fala" y en dos hileras las acompañaban numerosos miembros de dichas entidades.

Na fotografía do enterro podemos ver a Leandro Carré e a Martínez Morás portando o cadaleito diante da igrexa de San Xurxo. A produtora cinematográfica recén creada "Celta Film" do galeguista Antonio Rey Soto, filmou varias escenas do enterro para enviar á emigración.

A relación dos membros de Cántigas con Murguía trascende a propia existencia do coro. En vida, algúns fundadores do coro mantiveron unha boa relación co intelectual. Tal é o caso de Xerardo Roque a quen podemos ver no banquete (sentado no lado direito, a ollar para a cámara) que lle tributaron en 1913 nos salóns do antigo Circo de Artesáns con motivo dos 80 anos do xenial historiador [Foto: Arquivo da RAG].


14 de febreiro de 2023

Escolas da Terra 2022-2023