As cigarreiras

Música, teatro e baile coas cigarreiras como protagonistas

A Fábrica de Tabacos, corporación fundamental da economía coruñesa desde mediados do século XIX, foi escenario das primeiras loitas sindicais protagonizadas por mulleres que se libraron naquela altura en toda Europa. A revolta das cigarreiras, esquecida na historia, enfrontounas á patronal o 7 de decembro de 1857 nun conflicto que as convertiu nas inventoras da negociación colectiva por disturbio.

Partindo deste contexto, o espectáculo amosa un percorrido pola historia da fábrica a través das súas protagonistas, as cigarreiras; grazas as cales tamén descubriremos segredos da cidade herculina e os seus lugares. En escena poderemos ver a todo o elenco de Cántigas da Terra: Coro, Grupo de Gaitas e Percusión, Baile e Cadro de Teatro; acompañados da Banda de Música e un elenco de actores e actrices profesionais nun espectáculo que recolle música da Coruña e arredores conservada nos propios arquivos de ambas entidades e noutros depósitos locais arranxada para este novo formato orixinal.

O espectáculo estrutúrase en tres actos. Acompañando as cigarreiras, o primeiro acto presenta o traballo na fábrica, con alusións á masa coral da fábrica e a súa importancia no contexto industrial. O punto de inflexión chega ó final do segundo acto, cando estoupa a revolta e a Foliada da Cruña é interpretada polas traballadoras a modo de himno. Finalmente, a última sección do espectáculo elabora o argumentario a favor dunhas condicións de traballo digno, sempre enmarcadas no repertorio musical propio da cidade herculina.

• 

  As Cigarreiras

• 

  As Cigarreiras

• 

  As Cigarreiras

• 

  As Cigarreiras

• 

  As Cigarreiras

• 

  As Cigarreiras

• 

  As Cigarreiras

• 

  As Cigarreiras

• 

  As Cigarreiras

• 

  As Cigarreiras

• 

  As Cigarreiras

• 

  As Cigarreiras